Sogn ja Fjordane – várit ja vuonat

Aurlandsfjord, Flåm

Sogn ja Fjordanes leat oasit Nord-fjord, Sunnfjord ja Sogn. Fylkka nam-ma sáhtášii leat "várit ja vuonat" sivas go várit ja vuonat leat váldoduovdagat dáppe. Stuorra oassi fylkkas leat várit mat leat badjel 1000 mehtera bajábeal-de ábi. Alla várit dagahit ahte dáppe arvá ollu. Brekkes, báiki Sognas, arvá jahlkásaččat badjel njeallje me(h)tera.

Sogn ja Fjordanes leat máŋga jiehki. Jostedalajiehki, mii lea Norgga stuorá-mus, leat suorranan máŋgga guvlui. Jiehkit muittuhit ahte dát guhkes vuo-nat oktií hábmejuvvojedje jieknaáiggis. Vuotnagáttiin leat gáržes gátit gosa olmot sáhtte ássat.

Ealáhusat ja ássan

Ealáhusat dán fylkkas leat guollebiebman, turismaealáhus, eanadoallu ja máŋggalágán smávit industriija. Sogn ja Fjordane lea elfápmofylka. Dáppe buvttaduvvo eanemusat elrávdnji Norggas. Alla várit addet čáhcái stuorra fámu, ja go arvá ollu dáppe, de addá dát fas ollu elfámu.

Measta juohkehaš Sogn ja Fjordanes orrot muhtin vuotnagáttis. Olbmot ássset hui biedgguid go buohtastahhttit eará fylkkaiguin. Fylkka stuorámus gávpot lea Florø. Dát báiki, nugo ollu báikkiit rituin, vuođđuduvvui dalle go ledje váljis salliihat mearas. Deike maid rávhkadeddje sallitoljofabrikkaid. Sogn ja Fjordanes lea vátis rávhkadit geainnuid go várit leat nu ceggusat ja vuotnagáttit nu baskit. Ollu johtolat dáppe manná meara mielde, ja oddasat áiggiid maiddái áimmus. Jodánisfatnasat johtet vuonaid mielde, ja fylkkas leat njealji smávva girdišjiju.