Mii lea stuorraservodat?
Bargu dahkkis rámiida
Mii lea stuorraservodat?
Buohkat geat ásset muhtin riikkas dahje viiddis guovllus, leat miellahtut stuorraservvodagas. Dan mii gohčodit Norgga servodahkan ja Sámi servodahkan. Stuorraservvodaga miellahtuin lea juoga oktasaš. Sii ellet ovttas seammá guovllus dahje riikkas, ja sis leat oktasaš njuolggadusat mat muitalit mo heive láhttet guđet guimmiin.
Stuorraservodat fuolaha daid stuorra bargguid maid mii bearrášis dahje lagašservvodagas eat nagot oktto doaimmahit. Dakkár barggut leat earrat eará geainnuid ráhkadit, olmuid dearvvášvuoda ja sihkkarvuoda gozihit, doabbariid meannudit ja vuoddóoahpu fállet álbmogii sihke sámegillii ja dárogillii. Muhtimin olmoot fárrejit ja ásaiduvvet eará guovlluide Sámis dahje Norggas. Stuorraservodat galgá fállet seammá bávlvalusaid beroškeahhtá gosa olmoot fárrejit.
Pedar fárrre Kárašjohkii
Pedar čohkká lanjastis. Son čohkká ja smiehtá ahte dán lanja son ferte guoddit. Dán lanja gos heanggájit Manchester Uni-ted govat ja man uvssa son máŋggi lea čievččastan gitta go áhčči lea hoavvres-tišgoahtán. Heaika ja Áile bohtiba sisa...
Heaika: Mii dus lea Pedar?
Pedar: Na.....
Heaika: Lea go dus váivi?
Pedar: Várra....
Heaika: Manne nu?
Áile: Mii lea geavvan? Lea go dus váivi?
Pedar: Na. Ferten fárrret.
Áile: Fárret? Gosa?
Pedar: Kárašjohkii.
Heaika: Mo nu ges?
Pedar: Na, eatni bargu lea dohko fárrre-min. Ja go áhčči bargá Sámedikkis, de heive fárrret Kárašjohkii.
Áile: Muhto, háliidat go fárrret Kárašjohkii?
Pedar: In de háliit! Soai eaba jeara mus maid mun háliidan!
Heaika: Kárašjogas lea máilmmi fiinna vuojadanhála!
Áile: Ja doppe lea maid čierastanluohkká!
Pedar: Muhto doppe eai leat mu skihpá-rat!
Heaika: It go jahke mii boahtit dohko galledit?
Áile: Ii han bussiin ádján go moadde diimmu Kárašjohkii.
Heaika: Ja don sáhtát maid deike boah tit muhtumin.
Pedar: Na. Lean gal dan jurddašan. Muh-to in háliit liikká fárrret. Go in dovdda in ovttage doppe.
Áile: Mus lea doppe vilbealli. Ja son lea seamá boaris go mii.
Pedar: Láve go son čuoigat?
Áile: Láve go čuoigat? Don han dovddat su! Kenneth gii finai dáppe juovllaid áig-ge. Son searvvai daidda ILAR-doaluide.
Pedar: Duot čuvgesvuovttat gánda?
Áile: Diet fal.
Heaika: Mun maid muittán su. Son orui leamen šiega.
Áile: Son lea šiega. Dus lea measta skihpár Kárašjogas juo!