Skuvlaservodat

Skuvla lea okta daid deháleamos ásahusain servodagas, danne go dat galgá fállat vuođđooahpu olles riikka álbmogii. Min servodat dárbbaša olbmuid geat máhttet iešguđetlágan doaimmaid. Dan mahtu oaččut go váccát skuvlla, ja čuovut mielde oahpahusas. Dalle sáhttát válljet maid don áiggut bargat servodagas go stuorut.

Eanaš mánat álget skuvlIIi dan jagi go devdet 6 jagi, ja šaddet oassin skuvla-

servodahkii. Máŋat álgět dan skuvlii mii lea sin lagašservodagas.

Ollu olbmot oassálastet skuvlaservodahkii, ja sis leat iešguđet rollat skuvlaservodagas. Muhtimat leat oahpahead-djit ja muhtimat fas oahppit ja earát fas bassit ja assistеanttat. Dábaláččat leat maid đái kánturbargit ja rektor. Jos skuvlaservodat galgá doaibmat bures, fertejit buohkat ovttas čoavdit áššiid, ja deavdit iežaset rolla bures.

Ii oahppa deatte

Oahppit skuвllas.

Oahppirolla

Don leat oahppi skuvllas, ja dus lea dalle oahppirolla skuvlaservodagas. Dat mearkkaša ahte dutnje leat vuordámušat. Jos don galggat sáhttit deavdit iežat rolla bures, de fertet diehtit makkár vuordámušat dutnje leat:

• Don galggat leat buorre skuvalaskihpár dahje olmmai
• Don galggat leavssuid bargat
• Don galggat čuovvut skuvlla njulggadusaid
• Don galggat earáiguin bargat ovttas
• Don galggat áiggil boahtit oahpahussii
• Dus galget leat buot skuvlagirjjit ja skuvlaávdnasat mielde

Go mii álgit skuvlii, de mii biddjot muhtin ceahkkái. Mii eat sáhte válljet geaiguin mii háliidit leat ovttas. Mii galgat ovttastallat buohkaiguin ceahkis máŋga jagi. Buohkain ceahkis leat seammá vuoigatvuođat. Dat mearkkaša ahte buohkat galget dovdat ahte sidiide lea bures bohtin, ja ahte sis lea oadjebas dilli skuvllas. Buohkat skuvlaservodagas galget geahččat bearrái ahte buohkain lea buorre dilli skuvlaservodagas. Don leat oahppi, ja dehálaamos oassi oahppirollas lea leahkit buorre skuvlaskihpár.