Mii dáppe
1. Mo min eatnamat šadde – Čoahkkáigeassu
Image
Jiekŋaáigi
- Jiekŋaáigi lea dat áigi goas stuorra, assás jiehkki govččai eatnama.
- Jiehkki lea muohta ja jiekŋa mii ii leat suddan, muhto čoahkkanan ja áiggid čáda sturron ja lossom.
- Jiehkki suddagodii go šattai lieggaset dálkkádat.
- Eana loktanii, ja jiehkki hábmii min eatnamiid nu mo dat otne leat.
- Leagit, lássát, vákkit, duoddarat, várit, čorut, čievrrat, jávrrit, jogat ja dearpmmit leat luonddu-duovdagat maid jiehkki lea hábmen.
- Mii sáhttit luondduos oidnit ja geahččadit mearkkaid jiekŋaáiggis.
- Muhtin sajiin máilmmis leat ain jiehkit.