Doabbarii d meannudit
Mis báhcet beaivválaččat ávdnasat, garat, borramušat ja skoaddásat maid eat dárbbaš dahje mat guohcagit. Dat leat doabbarat, ja daid mii báhkestit doapparlihttái. Leat go smiehttan gosa doabbarat šaddet? Doapparbiila gurrre doapparlihti juohke vahkus. Sii devdet guorbmebiilla doabbariiguin, ja gurrejit dan doapparduvdnái maid eiseválddit leat ásahan ja dohkkehan dohkálaš doapparbáikin. Doapparbáikkis barget ollu olbmot. Muhtimat váldet vuostá buot doabbariid ja earát fas vudjet stuorra mašiinnain ja dulbmet doabbariid. Muhtin doabbariid ii leat lohpi báhkestit doapparduvdnái. Dain sáhttet leat váralaš ávdnasat mat bilidit luonddu. Dákár doabbariin fertet vuos váldit eret dan váralaš ávdnasa ja dan fierte meannudit sierraláhkái vai ii bilit luonddu.
Doabbariid maid ii sáhte oddasit geavahit, sáhtta boaldt stuorra oapmaniin. Lieggasiin mii das šaddá, sáhtta fas ligget ollu dáluid.
Muhtin doabbariid sáhttá ođđasit geavahit
Doapparhivvodat lea menddo sakka sturron manjmuvš áiggiid. Ii leat šat sadji vurket buot doabbariid. Eiseválddit leat ásahan doaimmaid mat galget unnidit doapparhivvudaga. Dál leat ásahuvvon báikkit gosa olbmot sáhttet bidjat guoros skoaddasiid. Alumiidna, bábir, plastihkka, glássa dahje láse ja ollu eará ávdnasat sáhttet šaddat ođđa ávnnasin fas. Borramušbázahusat eanaluvvet, ja eai leat vahágin lundui. Dán lágkai mii sáhttit hehttet doapparhivvodaga šaddamis, ja muhtin ávdnasat šaddet ođđa ávnnasin.
Doapparsirren. Muhtin doabbariid sáhttá geavahit ođđasit.
Báhparis sáhttá ráhkadit ođđa báhpára.