Bachelor i sjukepleie på deltid går over fire år i staden for tre. Studiet gjev same grad og same autorisasjon som heiltidsutdanninga, men undervisninga er samla i bolkar slik at du kan kombinere studiet med jobb.
Oppbygging
Studiet er samlingsbasert med tre til fire samlingar per semester i Bergen. Mellom samlingane arbeider du med nettbaserte oppgåver og sjølvstudium. Praksis utgjer 90 studiepoeng og blir gjennomført i full stilling i periodar på seks til åtte veker. Praksisperiodane kan ikkje takast på deltid.
Jobbmoglegheiter
Fullført utdanning gjev grunnlag for autorisasjon som sjukepleiar frå Helsedirektoratet. Sjukepleiarar arbeider i kommunehelsetenesta, på sjukehus, i heimetenesta og innan psykisk helsevern.
Vidare studium
Etter fullført bachelor kan du søkje vidareutdanning, til dømes intensivsjukepleie eller helsesjukepleie.
Applying
Generell studiekompetanse med minst karakteren 3 i norsk (393 timar) og minst karakteren 3 i matematikk (fellesfag). Kravet blir kalla NORSKMAT og gjeld alle sjukepleiarutdanningar i Noreg.
Politiattest må leverast ved studiestart.