Alle studentar må betale semesteravgift til studentsamskipnaden og registrere seg i StudentWeb kvart semester. Utan betalt semesteravgift og godkjend semesterregistrering kan du ikkje ta eksamen, og du får ikkje studentbevis.
Fristar
Fristen for å betale semesteravgifta er 1. september for haustsemesteret og 1. februar for vårsemesteret. Fristen er den same for nye og noverande studentar.
Beløp
Semesteravgifta er 850 kroner per semester. I tillegg kjem ei lovpålagd kopiavgift på 20 kroner. Til saman betaler du 870 kroner.
Slik betaler du
Fakturaen blir tilgjengeleg i StudentWeb når du har registrert deg for semesteret. Du betaler med KID-nummeret frå fakturaen. Det tek opptil tre verkedagar før betalinga er registrert.
Viss du betaler for seint
Betaler du etter fristen, mistar du retten til å ta eksamen i det aktuelle semesteret. Ta kontakt med Studentservice så raskt som mogleg dersom du har oversitte fristen; i enkelte tilfelle kan det gjevast utsetjing.
Fritak
Studentar i permisjon heile semesteret og studentar på enkelte etter- og vidareutdanningstilbod betaler ikkje semesteravgift.