Search

Mii fertet oahppat guhtet guimmiineamet. Mii han oainnat buohkat leat ovttas dán máilm­mis. Mii fertet oahppat guhtet guimmiineamet ja veahkehit guhtet guimmiideamet. Jos mii eat oahpa guhtet guimmiineamet eat ge veahket guhtet guimmiideamet, de leat dubmejuvvon.

Čurges Goaskin – Grey Eagle – Ken Jackson. Davvi Amerihká álgoálbmogiidda gulleváš.

Servodatmáhttu lea máhttu dan servodaga birra gos mii eallit. Servodatmáhttu lea dieđu olbmuid birra ja mo mii galgat láǧhčit dili nu ahte sáhttit orrut ja ássat singuin ovttas. Mii leat buohkat miellahtut iešgudet servodagain. Danne lea dehálaš ahte mii háhkat dieđuđid daid birra. Dalle mii fertet digášallat ollu earáiguin. Mii dáhbbašit ságaštit ja gullat earáid oaiviliid servodaga áššiid birra. Dalle mii sáhttit árvvoštallat mii lea buoremus, ja hárjehallat iežamet oaiviliid buktit ovdan.

Servodatmáhttu lea eambbo go máhttit ja diehtit. Servodatmáhttu lea maidđái beroštit. Mii galgat beroštit alddámet, go mii leat árvvolaččat, muhto maidđái galgat beroštit ja váldit vuhtii earáid geaiguin mii eallit ovttas, go sii leat maid árvvolaččat. Buohkain lea ovddasvástádus geahččat bearraái ahte sii geaigguin mii ovttas eallit, dovdet oadjebasvuođa ja buorrevuođa.

Dán oasis beasat lohkat ja oahppat dan birra mii servodat lea, mo servodagat šadde ja makkár rollat mis leat servodagas.

Servodatmáhttu lea eambbo go máhttit ja diehtit. Servodatmáhttu lea maidđái