Hedmárku – šuvvi vuovddit
Miessemearkun Svahken sijtes, Hedmárkkus.
Hedmárku lea maid dái siseanafylka. Dáppe leat liegga geasit ja galbma dálv-vit. Østerdalen manna čada fylkka davvin Tynsetas gitta Kongsvingerii lullin. Dán leagi mielde golgá Glomma, mii lea Norgga guhkimus johka. Hedmárku lea Lulli-Norgga stuorámus fylka. Das lea guhkes ráđji Ruŧii ja muđuiid golmma eará fylkki.
Davvin fylkkas lea stuorra ávži mas leat ceakko seainnit. Dát orru dego livččii čuolastuvvon, ja danne lea ožžon nama Jutulhogget. Jáhkkimis šattai dát jieknaáiggis go ollu čáhci borai ávži.
Ássamat ja ealáhusat
Hedmárkkus ássat eanemusat olbmot duolbaeatnamiin birra Mjøsa, Hamaris ja dan birrasiin. Muđuid ássat olbmot Glomma gávttiin ja smávit báikkiin. Try-sil lea dovddus dálvevalástallanbáiki.
Hedmárku lea Norgga stuorámus eanadoallo- ja vuovdedoallofylka. Eatnamat birra Mjøsa leat buorit eanadoalloguovllut. Vuovdebargu lea dehálaamos ealáhus.
Hedmárku lea sámi lulimus guovlu, ja Hedmárku ja Opplándda ráđjeguovlluin lea ealli ja doaimbi sámi boazo-doallu.
Hedmárku
Stuorodat 27 397 km²
Alimus várri Rundeslottet 2178 m bá
Guhkimus johka Glomma (Norgga guhkimus johka)
Stuorámus jávri Mjøsa (Norgga stuorámus jávri)
Olmmošlohku (2013) 194 236
Gielddaid/suohkaniid lohku 22
Stuorra gávpogat Hamar, Kongsvinger ja Eidsvoll
Fylkka oaivegávpot Hamar
Elgás lea sámi skuvla mii leamáš mielde váikkuheamen dasa ahte ollu nuorat ja mánát leat lullisámegiela oahppan hállat, lohkat ja čállit.