Hordalánda – gasku Oarje-Norgga

Bergen

Hordalánda lea Norgga oarjjeleamos fylka ja lea guovdu Oarje-Norgga. Hordalándda sáhttá juohkit viđa oassái. Lulimusas lea Hardanger, mii lea birra Hardangervuona. Hardangerduottarlea Norgga alimus duottar. Davábealde Hardangera lea Voss. Dát lea sisena gos lea eambo vuovdi go eará sajin fylkkas. Eará oasit leat riddoguovllut Sunnhordalánda, Midthordalánda ja Nordhordalánda. Hordalándda namma sáhttá boahttit dološ olmmoščearddas "hordar", mii mearkkaša soaldát dahje

sángár. Hordalándda mearkkaša dalle riika gos soaldáhát dahje sángárat orro.

Eanadat

Hordalánddas leat mángaduhát sullo, čiekŋalis vuonat, leat ja ceakkko várit. Ii gokkoge leat guhkki go 50 km merri dahje vutnii. Hardangera siskkobealde lea Norgga lulimus jiekki, Folgefonna. Oarje-Norga ja Hordalánda lea dovddus ollu arvvi ja goržejogaid geažil. Jahkásaččat arvá ja muohttá Hordalánddas viehka ollu, gitta 4000 millimehtera, mii lea 4 m.

Ealáhusat ja ássan

Sullii bealli buot olmuin Hordalánd-das ásset Bergenis, mii lea Oarje-Norgga "oaivegávpot". Bergen lea boares gávpe-gávpot. Bergen Brygges orrot ain vie-sut dološ rikkes gávpeáiggis. Dáid viesuid huksedje hanseáhttat, geat ledje duiskalaš gávpealmát.

Mán ga báikki fylkkas leat dovddus industriija guovllut. Stordas ráhkadit skiippaid. Mongstadas fas lea oljoraffinerii ja, mii lea Norgga stuorámus. Dás ráhkadit oljjus bensiinna. Husnesas fas geavahit elfámu ráhkadit alumiinna. Hordalánda lea bivnnuhis turistaguovlu. Alla várit ja alla gorgžit, nugo Vøring-ja Skykkjedalagorgžit geasuhit ollugiid. Šaddomuoraid lieddun Hardangeris lea dovddus miehtá Norgga.